LAOAG CITY – Saan nga ipalubos ti gobierno nga agturong iti energy lockdown ti nakaro a mapaspasaran a krisis ti pagilian gapu iti agtultuloy a panagngato ti presyo dagiti produkto a petrolyo.
Daytoy ket iti baet a nagkedked paylaeng ti Iran a makinegosyar kalpasan a rinaot ti Estados Unidos ken Israel.
Segun ken ni Palace Press Officer Atty. Claire Castro, agtultuloy ti panagkararag ti amin a malpasen ti riribuk ken agkakapia tapno malpasen ti riribuk.
Kunana a saan nga agsardeng ti gobierno nga agsapul iti pangalaan iti suplay ti langis gapu ta saanda a kayat a sangwen ti pagilian ti nakaro a peligro.
Karaman kadagiti pagilian a kaarsarita ti Pilipinas a pagalaan iti suplay ti langis ket iti India, Argentina, Canada, ken dadduma pay a pagilian a saan nga agdepdepende iti langis iti Middle East.
