LAOAG CITY – Inpetteng manen ti Malakanyang nga awan ti maris pulitika na ti pannakaiyuswat ti 20/kilo rice program ti gobyerno.
Sungbat daytoy ti Malakanyang kalpasan a kwinestyunaran ni Vice President Sara Duterte mainaig iti timing ti proyekto, sumagmamano a lawas sakbay ti midterm elections.
Inbatad ni Palace Press Officer Claire Castro a ti panagibunong ti subsidiya para iti nalaka a bagas ket saan a maibasar iti eleksyon no di ket ti kasapulan dagiti umili, kangrunaan na dagiti marigrigat.
Inpalgak ni Castro nga awan ti “timing” iti panangipaay ti tulong.
Inlawlawag pay ni Castro a saan a naipatungpal a dagus ti programa kalpasan ti nagbalin a campaign promise ti Presidente Ferdinand Marcos Jr. idi 2022 Presidential election gapu ta kasapulan ti naurnus a pannakaadal ken dahil koordinasyon iti nagbaetan ti gobierno national ken dagiti lokal a gobierno.
Kabayatanna, inpasigurado ti Malakanyang nga agpaot ti nasao a programa agingga iti Disyembre ita a tawen, idinto nga iti sumaruno a tawen ket plano a mairaman ti programa iti national funds tapno masigurado nga agtultuloy ti proyekto iti 2026.
