LAOAG CITY – Kinontra ti Palasyo ti Malakanyang ti nagbalin a rakurak ni dati a Presidente Rodrigo Duterte bayat ti panagatendar na iti imbestigasyon iti senado nga agtultuloy ti panagraira ti krimen iti pagilian iti babaen ti administrasyon ni Presidente Ferdinand Marcos Jr.
Iti maysa nga statement, inbatad ni Executive Secretary Lucas Bersamin a ti rakurak ni Duterte ket maysa a kumpleto a kabaliktadan iti statistics ti Philippine National Police (PNP) iti agdama gapu ta bimmaba ti krimen iti intero a pagilian.
Inpanakkel ti Malakanyang a nagun-od iti agdama ti stability ken napagtalinaed ti peace and order iti pagilian a saan a maikabkabil iti alanganin ti human rights iti tunggal Pilipino.
Inpetteng pay ni Bersamin nga iti agdama ket maikonkonsiderar a safe and secured ti pagilian iti babaen ti administrasyon ni Presidente Marcos Jr.
