LAOAG CITY –Naglikodan ti Malakanyang ti sayangguseng ti 2028 admin slate nga idauloan ti tandem da Naga City Mayor Leni Robredo ken dati a Senador Manny Pacquiao.
Daytoy ket manipud iti inbatad ni political analyst a ni Lito Banayo a posible nga agkadwa ni Robredo ken Pacquiao para iti 2028 eleksion.
Namunganay daytoy idi dinutokan ni Presidente Ferdinand Marcos Jr., ni Pacquiao kas secretary ken lead convenor ti National Anti-Poverty Commission (NAPC), maysa a Cabinet-level post.
Segun ken ni Presidential Communications Office Undersecretary at Palace Press Officer Claire Castro, a saan a paset ni Lito Banayo ti administrasion bayat ti masansan a panangdakamat iti nagan ni Robredo kadagiti Palace briefings ken dagiti proyekto.
Kabayatanna, saan met a nangipaay ni Castro ti kanayonan a detalye mainaig iti sayangguseng gapu ta kunana a nakapokus ti administrasion kadagiti agdama nga isyu.
