LAOAG CITY – Naiget a naglikudan ti Malakanyang ti alegasyon a laplapdan ni Presidente Ferdinand Marcos Jr. ti impeachment kontra ken ni Vice President Sara Duterte.
Segun ken ni Executive Secretary Lucas Bersamin, saan a mabalin a diktaran ti ehekutibo ti co-equal branch of government.
Inlawlawag ni Bersamin a ti immuna a nagbalin a rakurak ni Presidente Marcos Jr. maipanggep iti impeachment ket opinyon na laeng daytoy.
Maipalagip a nasaludsud iti presidente no pabor daytoy iti impeachment a saanna a mabalin a direkta a sungbatan gapu ta ti impeachment process ket prerogative ti Kongreso.
Kuna ni Bersamin, mabalin a mapanpanunot ni Presidente Marcos a makaistorbo laeng iti pannagna ti proseso ngem saanna nga ibagbaga daytoy iti kamara de representantes.
Inrakurak pay ti Executive Secretary a no agdesisyon dagiti agpanpanday linteg nga ituloy ti proseso ti impeachment, awan ti wagas tapno lapdan daytoy. para harangin ito.
