LAOAG CITY – Nagpannawagan ti Malakanyang iti publiko nga ipaima ti Office of the Ombudsman ti agtultuloy nga imbestigasion mainaig ti maanomalya a flood control projects ken saan nga ipaiyalisto ti imbestigasion a kas kalikagum dagiti umili.
Inbatad ni Presidential Communications Office (PCO) Undersecretary ken Palace Press Officer Claire Castro a ti Office of the Ombudsman ket maysa nga independent constitutional body ken addaan ti bukod a mandato, nakaisina manipud iti ehekutibo, lehislatura ken hudikatura a sangay ti gobierno.
Nupay kasta, inbatad ni Castro a saan a masapul a maipaiyalisto ti imbestigasion gapu ta mabalin nga awan met laeng ti pagbanagan ti kaso no kurang ti mailatang nga ebidensia.
