LAOAG CITY – Saan nga apektado ti Palasyo iti rimuar a survey no sadinno a maipagarop nga umun-una ni Vice President Sara Duterte kadagiti possible nga agkandidato iti kina-presidente intono 2028.
Basar iti resulta ti survey, awan kadagiti umun-una iti a nagan ti kaalyado ni Presidente Ferdinand Marcos Jr.
Segun ken ni Palace Press Officer Claire Castro, pammaneknek laeng daytoy a nakatutuk ti presidente iti trabaho na ken saan nga iti panagpulitika.
Inpetteng pay ni Castro a mabayag pay ti eleksyon ken ad-adda a tututukan ti administrasyon ti pannakaipatungpal dagiti proyekto ken programa tapno maipaay dagiti kasapulan ti publiko ken mapadur-as ti pagilian.
