LAOAG CITY –
Manamnama a maipasdek ti Malasakit Center iti Gov. Roque Ablan Sr. Memorial Hospital ditoy siudad ti Laoag.
Daytoy ket agserbi a one-stop-shop a pangalaan kadagiti nagduduma a benepisyo para kadagiti marigrigat a saan a makabayad kadagiti bill iti ospital
Segun kenni Dr. Rogelio Balbag, consultant ditoy probinsya, pagtitinnulungan ti PhilHealth, PAGCOR, DOH, PCSO, ken dadduma pay a maseknan nga ahensya ti gobyerno.
Inbunannag na nga adda ti pakaammoanipud iti opisina ni Presidente Rodrigo Duterte ti pannakaaprobar ti pannakaipasdek ti Malasakit Center iti nasao nga ospital ken sumarsaruni met kadagiti District Hospital.
Inbatad na nga adda ti lima a milyon a pisos a pondo a mausar a pangsupusop iti bayadan dagiti indigent ti hospital bill agraman dagiti mabayadan a saan a sakop ti PhilHealth.
Innayon ni Balbag a dakkel a tulong daytoy para kadagiti maseknan.
