LAOAG CITY – Inpalagip ni Doctor Marie Tolentino dagiti rumbeng nga aramiden tapno maliklikan ti sakit a dengue.
Maipalagip nga ita a bolan ti Hunyo ket Dengue Awareness Month.
Inbalakad ni Tolentino a masapol a pagtalinaeden a nadalos iti uneg ken ruwar ti balay.
Kuna na a masapol a biruken ken dalusan amin a mabalin a pagumukan ken pagitlogan dagiti lamok a carrier ti sakit a dengue, kas kadagiti pagurnungan ti danom.
Inbatad ni Tolentino nga alisto laeng a maamoan no ti maysa a tao ket naapektaran ti sakit a dengue.
Innayon na a mamin-uppat a daras a mabalin nga agpasar ti sakit a dengue ti maysa a tao.
