LAOAG CITY – Kinumpirmaran ni Father Joey Ranjo, ti pannakangiwat iti Diocese of Laoag a naidanunen kadakuada ti maipagarop a panagmilagro ti imahen ni Mama Mary iti St. Francis of Assisi Parish iti Barangay Davila, Pasuquin, Ilocos Norte.
Inbatad na a basar iti maysa a Franciscan brother, bayat ti panagkararag na ket maipagarop a bimmaba ti korona na ken naggaraw ti ramay na.
Nupay kasta, kuna ti padi iti nasao a simbaan nga a mabalin a naiyangin ti korona wenno talaga a nagparikna ni Mama Mary iti maseknan.
Innayon ni Father Ranjo a saan da a maibaga no pudno a nagmilagro ni Mama Mary gapu ta mabalin a nagparikna laeng iti masekna.
Naamoan a ti Franciscan brother a nakakita ti maipagarop a panagmilagro ni Mama Mary ket taga Metro Manila ken immay laeng nagbakasyon ditoy probinsya.
