LAOAG CITY – Saan a pabor ti maysa a manager ti Discolandia, ti Barangay 1 ditoy ciudad ti Laoag ti plano a pannakaipatungpal ti liquor ban ditoy probinsya.
Basar ti inisyal a plano ket ti aldaw ti Domingo agingga ti Huwebes ket masapol nga agingga laeng iti alas-dyes ti rabii ti panaglako ti arak iti intero a probinsya.
Segun kenkuana, dakkel ti agbalin nga epekto ti liquor ban iti negosyo da nangruna ket adu dagiti malaklakoan da ti arak nu rumabii.
Kunana a babaen ti nailungalong ket posible nga awanen ti mapastrek da no maipawil ti panaglako ti arak.
Innayon na nga adda dagiti agronronda iti lugar ti kada oras agingga iti parbangon.
Gagem ti nasao nga addang a maliklikan dagiti mapasamak a desgrasya ken aniaman nga insidente ditoy probinsya.
Kabayatanna, pabor ti maysa a reaktor iti lungalong a liquor ban gapu ta dagiti umili ti mabenepisyaran.
Kunana a dakkel ti epekto ti nabartek kas ti desgrasya, pammaltog, pammagkong wenno aniaman a kriminalidad.
