LAOAG CITY – Inlawlawag ni Mr. Cesar Castro, ti manager ti poultry poultry farm iti ili ti Vintar ti reklamo mainaig iti maipagarup a panangikkat ken pannagsingir na kadagiti dua trabahador.
Segun ken ni Castro, napilitan a nangikkat kadagiti dua a baro nga agtrabtrabaho iti poultry farm gapu iti masurutan da a bisyo.
Inbatad na a nu pay adda ti allowance da kabayatan ti stay-in a panagtrabaho da ket makautang da pay ti gasolina ti kurong-kurong nga us-usaren da a mapan iti dua a poultry.
Mainaig iti daytoy, kuna na nga arig na maiguber da iti bisyo partikular iti sigarilyo ken arak nga isu pay ti kaaduan nga utang da iti tianggi rason a saanda a makapokus iti trabahado da.
Kabayatanna, inbunannag ni Castro a ti reklamo maipanggep iti panangdawat na a dagus kadagiti dua a tarabahor ti naala da cash advance ket saan a pudno.
Inbatad na a ti katulagan da ket ipasubli da ti cash advance a naigatang iti cellphone nu adda ti nakasagana a pagbayad da kenkauana ken saan na a paiyalisto daytoy.
Innayun ni Castro a nu maisubli da ti cash advance ket dita a masaka ti cellphone nga in-hold na, kas paset ti katulaganda.
Immunan nga inlawlawag ni Castro a boluntaryo ken inpilit a nagtrabaho dagiti dua a baro iti farm.
Kuna na a maipaay amin a kasapulan dagitoy bayat ti kaadda da iti farm ken adda ti 1,500 a sweldo da iti kada bolan.
Inpakaammo na a saan a nadagsen ti trabaho dagitoy gapu ta nu makapakan da kalpasan a makapan da kadagiti manok ket awan ti sabali a trabaho dan.
