Manamnama a bumaba ti presio ti bagas inton sumaruno a bulan ken agsubli daytoy iti presio iti bulan ti Marso.
Segun kenni Engr. Rosendo So, Chairman ti Samahang Industriya ng Agrikultura (SINAG) nga agsubli ti presio ti bagas iti ‘March price’ ken maisupadi kadagiti report a ngumato daytoy kadagiti sumarsaruno a bulan.
Kinunana a bimmaba ti presio ti bagas iti 2 agingga iti 3 a pisos idi napan a bulan ken manamnama nga ad-adda pay a bumaba daytoy iti 10 agingga iti 15 nga aldaw.
Kabayatanna, bimmaba metten ti presio dagiti imported rice, nangruna iti Vietnam ken Thailand.
