LAOAG CITY – Namnamaen ti gobierno a bumaba ti presyo ti bagas kadagiti sumarsaruno a bolan.
Inbatad ni Department of Finance Secretary Ralph Recto a daytoy ket gapu iti pannakaipababa ti taripa iti imported a bagas.
Mainaig iti daytoy, inkari ti gobyerno a mangipaay tti ad-ado a suporta kadagiti lokal a mannalon iti intero a pagilyan.
Kiniddaw met ni Recto a palubusan ti agtultuloy nga agriculture projects, kas ti irrigation ken dam construction, tapnomaipanggato ti rice production.
Kabayatanna, inpakaammo ni Recto a ti pondo a naipaay iti Agriculture Department ket nadoble ti kadakkel na no ikompara iti 2022 budget.
