LAOAG CITY – Manarimaan ti validation kadagiti residente iti ili ti Sarrat a mangayat nga agpabakuna kontra ti covid-19.
Segun ken ni Mayor Remigio Medrano iti nasao nga ili, ti nasao nga addang ket wagas tapno madeterminar nu siasino dagiti mabakunaan ken saan.
Inbatad na a saanda a kayat a masayang ti bakuna a magatang rason a naiget ti pannakaarisit dagiti target a mabakunaan.
Kabayatanna, kuna na a nakadepende ti usaren a bakuna ti ili ti Sarrat iti ipaay ti gobienro national a bakuna kadagiti LGUs.
Innayun na a maisagsagana metten ti pondo para iti panagbakuna iti nasao nga ili.
Manamnama nga intuno umay a lawas ket maiyuswat met iti ili ti Sarrat ti Covid-19 vaccine simulation nga immunan a naiyuswat iti ili ti Solsona, siudad ti Batac ken ditoy siudad ti Laoag.
