LAOAG CITY – Dinayyeg manen ti magnitude 5.8 a gingined idiay Manay, Davao Oriental iti oras ti alas-6:27 ti rabii ita a Sabado, Oktubre 11, basar iti Philippine Institute of Volcanology and Seismology (Phivolcs).
Naipadamag ti Intensity III iti siudad ti Mati, Davao Oriental. Iti instrumental intensities, nairekord ti Intensity III idiay Sta. Maria Davao Occidental, Nabunturan, Davao de Oro ken Malungon, Sarangani.
Narikna met ti Intensity II iti siudad ti Digos, Davao del Sur ken Kiamba idiay Sarangani, Tupi idiay South Cotabato ken Palimbang idiay Sultan Kudarat.
Manamnama dagiti aftershock ken posible a pannakadadael.
