LAOAG CITY – Manayunan ti bilang dagiti iskolar ti gobierno probinsial ita a tawen.
Daytoy ti inpakaammo ti chairman ti committee on education ti Sanguniang Panlalawigan.
Kunana a tutukan da nga ikkan ti slots ti academic scholarship ken manayunan ti bilang dagiti benepisiario nangruna dagiti mangal-ala iti kurso a medisina gapu iti napintas a resulta ti eksaminasyon iti kallabes.
Mainaig iti daytoy, manayunan pay dagiti kurso a kwalipikado para iti scholarship grant iti gobierno probinsial kas iti culture and arts, ken dadduma pay.
Kabayatanna, mapabassit ti alaen da nga iskolar para iti Sirib Youth Development gapu ta ipangpangruna da iti academic scholars.
Naamuan nga umabot-abot iti duapulo ket lima a milyon a pisos ti pondo a naiyalokar para iti scholarship program iti gobierno probinsyal.
