LAOAG CITY – Kalikagum ni Barangay Captain Elmer Siazon a mangputar ti ordinansa a maipapan iti panangipataw ti pannusa kadagiti akinkukua ti walang aso a makadesgrasia kadagiti residente.
Inbatadna a babaen iti daytoy ket mabuteng dagiti adda ti tarakenna nga aso tapno agbalin a responsable amin dagitoy kadagiti maipakpakat a linteg.
Inlawlawagna a naigetna daytoy nga insingasing iti konseho gapu ta mamati daytoy a kasapulan a mapaigetan pay ti panangsurot iti umiso a panagtaraken ti aso tapno maliklikan nga adda ti makagat iti walang nga aso.
Kunana a napintas daytoy nga addang dagiti opisial tapno masolbar ti nabayagen a parikot iti barangayda ken kabangibang a lugar kas kadagiti makagkagat ken madesdesgrasia gapu kadagiti irresponsible pet owners.
Inpalgakna a rumbeng nga agbalin a mandatory ti panang-picture wenno maalaan ti ladawan dagiti aso ken dagiti akin-taraken kadagitoy tapno al-alisto a maammoan dagiti agsalungasing iti pagalagadan.
