LAOAG CITY – Marugyanen ita a lawas ti mandatory certification ti imported ken locally manufactured vape products.
Inrakurak ti Department of Health a ti baro a regulasyon ket mangrugi a maipatungpal intono Hunyo 5 ita a tawen.
Inbatad ni Trade Assistant Secretary Amanda Nograles, mangidadaulo pay iti Consumer Protection Group, a gagem ti nasao nga addang a maprotehiran dagiti consumers.
Kuna na a kayat da laeng a siguradwen a natalged dagito vape products para kadagiti consumer ken mabalin pay a mangipatungpal iti nalawlawa a consumer products kas ti electronic appliances.
Innayon ti trade official a kayat da a siguradwen a saan a makatilmon kadagiti narisgo a kemikal dagiti vape users kas ti plastik iti heating process ti nasao a device.
Mainspeksyon pay a naimbag dagiti battery nga us-usaren uray dagiti consumables.
Iti baet daytoy, inpetteng ni Nograles nga awan ti kapasidad ti Department of Trade and Industry nga ipadalan iti testing ti consumables ngem kunana nga agaw-awat da kadagiti analysis a maipasa manipod iti certified laboratories.
