LAOAG CITY – Inbilin ni Canlaon City, Negros Oriental Mayor Jose Chubasco Cardenas ti mandatory evacuation kadagiti residente nga asideg ti panagalburuto ti Mount Kanlaon.
Immunan nga inmandar ti Mayor dagiti residente iti Barangay Masulog, Pula, Lumapao ken Malaiba nga agturong kadagiti evacuation centers no sadino ket magutgutigot nga agitugotda ti danum, taraon ken dagiti kagamitan.
Dumanon iti 22 a pamilia wenno katukad ti 81 nga indibidual ti naibakwit iti Barangay Pula ken naiyakaren dagitoy iti Macario Espanola Memorial School.
Naammoan a dagiti tourism spot iti lugar ket temporario a naiparikep.
Maipalagip nga inpangato ti Philippine Institute of Volcanology and Seismology iti Alert Level 2 ti lugar gapu iti panagbettak ti bulkan.
Kabayatanna, inpan ti Provincial Disaster Risk Reduction Management Council ti Negros Occidental ti probinsia iti “Blue Alert.”
