LAOAG CITY – Pabor ni 1st Lt. Bernardino Rodillas, Army Reservist iti kalikagom ni Vice Presidential Candidate ken Davao Mayor Sara Duterte a maipatungpal ti mandatory military service.
Inlawlawag ni Rodillas nga ado dagiti advantages iti pannakaipatungpal ti mandatory military service.
Karaman ditoy ti pannakatenneb dagiti agtutubo nga agbalin a nadisiplina, masursuro da ti makunkuna a patriotism, nationalism, ken ti mangipateg ti pagilyan.
Inyarig ni Rodillas ti bagina nga idi agad-adal pay laeng daytoy iti kolehiyo ket nasursuro na ti nagbalin a nadisiplina nga isu ti ipakpakat na agpapan ita gapu iti idadalan da ti Reserve Officers’ Training Corps (ROTC).
