LAOAG CITY – Pinirmaan ni Ilocos Norte Governor Matthew Marcos-Manotoc ti maysa nga Executive Order (EO) kontra iti coronavirus.
Naipalaon iti EO nga amin a residente ditoy probinsya nga aggapo kadagiti nagduduma a pagilyan ket masapol a dumalan ti 14-days a mandatory self-quarantine.
Inbatad ti gobernador a ti nasao nga addang ket paset ti protective measure tapno malapdan ti pannakaiwaras ti COVID-19 ditoy probinsya.
Kabayatanna, nagballaag met ti gobernador iti siasinno man a manglabsing iti daytoy a mapatawan ti maiyannatop a pannusa.
