LAOAG CITY – Nagpanawagan ni Sen. Francis Escudero para iti naig-iget a panagannad iti pundo iti babaen ti panangaramid kadagiti feasibility study ken dagiti technology-based tracking mechanisms mandatory sakbay ti aniaman a proyekto ket iraman iti nailian a pundo.
Inbatad ni Escudero nga iti babaen ti gakatna a Senate Bill No. 1461 wenno ti Infrastructure Appropriations Integrity Act, awan ti proyekto a nasken a mapundoan nga awan ti naiget a technical ken financial feasibility study a kumpleto kadagiti detalyado a panangtingiting iti presyo ti yunit, masansan a gastos dagiti materyales ken dagiti panangkita ti kaadu a maak-access ti publiko.
Kalikagumna a maipawil ti panaggudua ti pundo wenno panangbingay-bingay iti panangilatang para kadagiti proyekto imprastraktura kadagiti adu a tukad a dakdakamaten ti panagusar daytoy tapno liklikan dagiti pagalagadan iti pundo ken panangala.
Inallukoy ni Escudero ni Senate Finance Committee Chair Sherwin Gatchalian nga iraman iti transparency provisions ti gakatna iti 2026 national budget kas espesyal a probision iti babaen dagiti maseknan nga ahensia.
