LAOAG CITY – Natay ti maysa a mangngalap kalpasan a nadesgrasya iti Brgy. 5 Davila iti ili ti Pasuquin.
Nabigbig daytoy a ni Larry Cacal, agtawen ti 57, naasawaan ken residente iti nasao nga ili.
Basar iti imbestigasyon ti PNP Pasquin, bayat nga agpapaabagatan a direksyon ti biktima iti Sitio Cavintaran iti nasao a barangay ket naawanan ti kontrol ti iturturong na a motorsiklo rason a naislide ket dita a naitama ti ulo na iti kalsada.
Naitaray ni Cacal iti ospital ngem naideklara a dead on arrival.
Naamoan nga adda iti impluwensya ti nasanger ti biktima.
