LAOAG CITY – Inbatad ti Department of Agriculture a naipatulod iti umuna a gundaway dagiti presko a mangga ti Giumaras idiay Europa ken Hongkong kas paset ti panangpalawa ti sangalubongan a merkado para iti produkto ti Pilipino.
Segun iti ahensya, adda ti pakabuklan a 200 a kilo ti mangga manipud Kokomojo Mango Farm iti naipatulod, 100 para iti HongKong ken sag-50 kilo para iti Belgium ken Netherlands.
Mausar dagiti mangga idiay Europa kas pang-promosyon a panangbigbig iti merkado, bayat a maisagana iti suplay idiay Hong Kong iti panagrambak ti maika-127 nga Aldaw a Panagwaywayas wenno Independence Day ti pagilian intono Hulyo 1.
Inpasigurado ti Bureau of Plant Industry (BPI) a sinurot ti produkto iti sangalubongan a pagalagadan iti food safety ken plant health babaen ti phytosanitary certification.
Segun kenni Agriculture Secretary Francisco Tiu Laurel Jr., makatulong iti panaglukat dagiti baro nga export market iti panagngato ti mapastrek dagiti mannalon ken mangpartuat ti ad-ado a trabaho iti sektor ti agrikultura.
