LAOAG CITY – Kinondenar ni Dr. Ma. Lourdes Otayza, ti chief of hospital ti Mariano Marcos Memorial Hospital and Medical Center iti siudad ti Batac ti pannakadiscriminate dagiti health workers ti ospital nga agrenrenta wenno agkaskasera.
Kuna ni Otayza nga adda dagiti sumagmamano nga agtagikua dagiti pagkaserraan ti saan a mangpalubos kadagiti health workers nga agawid iti pagkaserraan da gapu iti panagbuteng dagitoy ti covid-19.
Daytoy ket kalpasan a kinumpirmaran ti MMMHMC idi kalman nga addan ti dua a nagpositibo iti covid-19 ditoy probinysa.
Inpetteng ni Otayza a nu man adda dagiti empleyado da a makitaan da ti sintomas iti covid-19 ket saan da a palubusannga agawid dagitoy gapu ta dumalan da pay laeng ti 14-day quarantine.
Inbatad na a saan a rumbeng ti araramiden a diskriminasyon dagiti agtagikua ti pagkasserraan gapu ta dagiti health workers ti adda iti frontline a manglablaban ti corona virus disease.
Nu pay kasta, inpagunam-gunam ni Otayza a kasapulan ti kanayun a panagdalus iti bagi, agdigos a dagus nu aggapo iti ruar ken suruten ti social distancing tapnu maliklikan ti panagwaras ti virus.
