LAOAG CITY – Mamati ni Dr. Rickson Balalio iti mangidadaulo iti Provincial Health Office nga babaen iti panagibunong iti contraceptive pills kadagiti agtutubo ket malapdan ti teenage pregnancy.
Daytoy ti inpetteng na kalpasan nga immunan nga inrakurak ni Gov. Matthew Marcos Manotoc a kasapulanen ti panakaibunong ti contraceptive pills a kas solusyon iti agtultuloy a panagngato ti teenage pregnancy ditoy probinsiya.
Kunana a nu mabalbalin ket insigida nga isayangkatda daytoy ngem masapul nga ikonsidera da ti moral ken ethical gapu ta saan a mailibak nga adda pay laeng dagiti indibidwal a conservative ken saan pay a sisasagana kadaytoy a klase ti solusyon.
Innayonna a sakbay a maipaima kadagiti agtutubo ket dumalan pay laeng dagiti contraceptive pills kadagiti opisyal ti barangay nangruna kadagiti Barangay Health Workers.
Inbatadna a babaen iti daytoy ket mabalanse iti panakaiwaras dagiti contraceptives no sadinno a dagiti laeng dumawat iti maikkan iti condom wenno pills.
Kabayatanna inbatad ni Balalio ti napateg ket ammu dagiti umili ti panglaan no agkasapulan da.
