LAOAG CITY – Inpakaammo ni Ms. Antonette Bareng, mangidadaulo ti Business Permit and Licensing Office ditoy siudad ti Laoag no apay nga adda dagiti sumagmamano nga awan ti business permit-na.
Segun kenkuana, daytoy ket kalpasan nga awanan dagitoy ti occupancy permit ken ti pannakaikonektar ti kuriente ti kaadduan.
Inbatadna a nabayag ti panangikonektar ti electric cooperative a mangitunda ti pannakaibayag ti business permit-da.
Inlawlawagna nga inpalubosda lattan ti panagoperar dagitoy iit baet nga awan ti business permit-da gapu ta adda metten ti aplikasionda iti opisinada.
Kabayatanna, ginutigotna dagiti manamnama nga agipatakder ti puestoda iti maysa a dakkel a mall ditoy siudad ti Laoag a dagus a mangala ti business permit iti opisinada.
