LAOAG CITY – Inrekomendar ni Mrs. Antonette Bareng, mangidadaulo ti Business Permit and Licensing Office ditoy siudad ti Laoag nga agsubli dagiti ambulant vendors iti dati a puestoda iti asideg ti Kapitolio Probinsial.
Segun kenkuana, babaen iti daytoy a singasing ket saan a maistorbo dagiti mangimatmaton kadagiti pasdek negosio a pagpupuestoan dagiti aglaklako.
Inbatadna a daytoy a problema ti maipadpadanon iti opisinada gapu ta maserraan ti dalan dagiti pasdek negosio gapu kadagiti ambulant vendors nga agpuesto iti sangoanan dagitoy.
Kunana a mangnamnama daytoy nga insigida a maipatungpal daytoy a gagem tapno nasaysayaat met laeng ti pannakaiplastar ti panagpuesto dagiti maseknan nga ambulant vendors.
Innayonna nga apaman a maipakat daytoy a rekomendasionna ket malappedan pay ti panagirot ti taray ti trapiko iti kalsada.
