LAOAG CITY – Inlawlawag ni Mrs. Perlita Cabello, ti mangidadaulo iti City Social Welfare and Development Office ditoy siudad ti Laoag nga uray dagiti residente iti sabali a lugar ket akomodarenda iti Bahay Pag-asa.
Segun kenkuana, maibasar iti naiyataday iti linteg a no dagitoy ket addaan ti Bahay Pag-asa ket isu ti mangakseptar kadagiti maseknan a nakaaramid ti nagduduma a klase ti krimen.
Inbatadna a dua laengen dagiti adda iti Rehabilitation Center no sadino dagitoy ket residente iti ili ti Sarrat ken iti ili ti Pasuquin.
Kunana a nakasagana iti opisinada a mangtulong kadagiti ubbing a napan iti dakes a dana nga agbalbaliw dagitoy.
Innayonna a kitaenda a naimbag ti pagsayaatan dagiti ubbing tapno naan-anayen a maiyadayoda iti dakes nga aramid.
