LAOAG CITY – Naglikudan ni Ms. Glenda Almo, mangidadaulo iti Laoag City Public Market and Commercial Complex dagiti alegasyon dagiti market vendors kontra kenkuana.
Daytoy ket mainaig iti naawat ti Bombo Radyo a reklamo seknan maipagarop a kanayon nga awan ti market master para kuma iti panagparehistro dagiti market vendors.
Segun kenni Almo, awan ti kinapudno dagiti alegasyon mainaig iti saan a panakairenew ti business permit dagiti market vendors.
Kunana nga adda ti proseso a kasapulan a suroten dagiti aglaklako tapno mairenew dagiti business permit da ken saan laeng nga isuna ti pagdalanan da..
Inbatad na a no awan isuna iti opisina na ket adda ti napateg nga inlakad na iti City Hall wenno napaayaban nangruna ket ado dagiti pakakumikoman na gapo iti kalkalpas a fiesta iti ciudad, ken adda met dagiti kakadua na iti opisina nga isu ti mangasistir kadagitoy.
Mainaig iti daytoy, inpetteng na pay a rumbeng a sumurot dagiti vendors ken dagitoy ti agg-adjust nangruna ket naipaayaan dan ti atiddog a pawayway.
Kabayatanna, kuna ni Almo nga addan ti nasurok 200 a market vendors ti nakaaplikaren para iti pannakarenew ti business permit na.
