LAOAG CITY – Namnamaen ni Ms. Elma Gabriel ti mangidadaulo ti Micro and Micro, Small and Medium Enterprises Office nga agtultuloyen a makipagpaset ti Provincial Government of Ilocos Norte iti FAME event idiay Manila.
Segun ken Gabriel, saan nga adayo a mapasamak daytoy gapu ta kanayun a supsuporataran ni Gov. Matthew Marcos-Manotoc aglalo kadagiti local micro small and medium enterprises.
Mainaig iti daytoy, naamuan nga dda manen ti sabali nga imbitasyon para iti nasao nga aktibidad.
Gapu iti daytoy, maragsakan ni Gabriel gapu ta maysa daytoy a napintas wagas tapno maipakita ken maidiaya dagiti lokal a produkto ti probinsya.
Maipalagip, nga immunan nga adda naangay a kastoy nga aktibidad idi napan a bulan ti Oktubre ken ditoy a naitampok dagiti nagduduma a produkto a mangipannakel kadagiti indigenous materials and traditional techniques manipod iti 350 artisans iti nagduduma a lugar iti pagilyan.
