LAOAG CITY – Inlawlawag ni P/Chief Master Sgt. Ferdinand Santos ti hepe ti PNP Traffic Division ditoy ciudad ti Laoag ti naiwaras a ladawan ti maysa a traffic aide iti social media a nangilubbon ti awan helmet na a lalaki.
Segun kenni Santos, tiniliw ni Traffic Aide Aniceto Ruiz ti nadakamat a lalaki gapu ta awan ti helmet na bayat nga iturturong na motorsiklo na.
Kunana a napilitan a ni Ruiz ti nangilubbon iti lalaki gapu ta awan ti mabulod da nga helmet idi inyendorso na iti opisina da.
Inbatadna a nairana a madama ti roving ti patrol car da ken tapno saan a maimbiyerna ti natiliw a lalaki nga agur-uray isu a nagdesisyon ti traffic aide nga ilubbon daytoy.
Segun kenni Santos, palawag ti lalaki a kabakbakasyun na laeng manipud idiay Amerika kas panangipaneknek na iti inpakita na a Driver’s License na iti Hawaii.
Inpasingked ti opisyal a saan nga agiluglugan ti maysa a traffic aide ti siasinoman nga awan ti helmet na nga awan ti gapgapu na.
Innayon ni Santos a pinabulodan da ti lalaki ti helmet idi agawiden daytoy.
