LAOAG CITY – Nalimed a nagturong ti mangidaulo ti US Central Intelligence Agency (CIA) iti Moscow idiay Russia.
Basar iti report, saan a masinunuo no ania ti aramiden ni US Central Intelligence Chief John Ratcliffe iti Moscow ken no siasinno dagiti kataripnong na.
Rumrumuar a saan a naiwaragawag ti panagbiyahe ni Ratcliffe iti Moscow, ngem maibasar iti flight tracking data ket nakumpirmaran a ti US military aircraft ket nagturong iti Russia manipod iti Estados Unidos iti babaen ti Latvia.
Nagkedked paylaeng ti White House ken ti Pentagon nga agkomento mainaig iti daytoy a banag.
