LAOAG CITY – Binigbig ti maysa a pamilya manipod Ilocos Sur ti nabirokan a bangka a de motor iti baybay a paset ti Brgy 33-A Lapaz ditoy siudad ti Laoag.
Daytoy ti kinumpirmaran ni Mr. Limbert Manuel a residente iti nasao a lugar.
Ti nasao a bangka ket addaan ti marka a “Jeric Dan 23”, agmaris ti skyblue ken adda ti karga na a lima a kilo a pusit.
Segun kenni Manuel, nakumpirmaran a ti nabirokan a bangka ket nagluganan ti mapukpukaw a mangalap a taga Ilocos Sur ngem agpapan ita ket saan pay a nabirukan.
Immunan nga inpadamag ti Bombo Radyo Vigan nga adda ti mapukpukaw a mangngalap nga agnagan ti Daniel Villasper a naglayag nupay napigsa ti todo idi Lunes.
