LAOAG CITY –Sumango iti agsusukot a kaso ti maysa a mannursuro manipud iti Davao City, Cebu gapu iti panangpangtana a mangpaltog iti ngiwat ni Palace Press Officer Atty. Claire Castro.
Iti vlog-na, kinuna ni Castro a saan a simple a nakaro a pangta daytoy ni Zenith Enriquez, gapu ta naaramid daytoy iti online ken addaan pannusa a pannakaibalud iti agingga iti uppat a tawen no mapaneknekan.
Kunana a mabalin a sumango ni Enriquez iti administrative charges, ken mabalin a maikkat ti lisensiana kas manursuro.
Impanagetgetna a rumbeng a sungbatanna dagiti i-postna iti social media gapu ta matulad dagitoy dagiti estudiante nga agidolo kenkuana
Kabayatanna saan a nadakamat ni Castro no mangipila iti kaso kontra ken ni Enriquez gapu iti pangta nga inaramidna.
