LAOAG CITY – Sinungbatan ni Mr. Dennis Cabading, principal iti Darat Elementary School iti ili ti Pinili ti alegasyon kontra iti maysa a mangisursuro iti nasao a pagadalan.
Immunan a naidanun iti Bombo Radyo Laoag ti maipagarop a panagsasao ti agkakadakes a sarita ni Mrs. Gina Felix kadagiti adalan na.
Inbatad ni Cabading a ni Felix ket adviser ti Grade 6 a lower section.
Segun kenkuana, saanna pay a nangnangngeg a pinagsasawan ni Felix dagiti adalan na ken awan ti sapulen na a kinasayaat na kadagiti pada na a mangisursuro.
Inkalintegan ni Cabading a no pudno man a naaramid daytoy ni Felix ket possible a naibusen ti pasensya na.
Nupay kasta, inpasingked na a kas principal iti nasao a pagadalan ket aramiden na ti trabaho na ken aksyunan na ti reklamo babaen ti panangbagbaga na iti nasao a mangisursuro a saanna a palalwan a pagsasawan dagiti adalan na.
Kabayatanna, inlawlawag ni Cabading a ti kontribusyon a 200 a pisos a kolkolektaren da ket para iti ipatakder da a kandidata da para iti selebrasyon ti Elementary Day.
Innayon na a ti nasao nga addang ket nagtutulagan dagiti nagannak ken awan dagiti kimmontra.
