LAOAG CITY – Naiget a naglikudan ti Grade 1 teacher a ni Mrs. Shiela Prieto ti alegasyon nga agpapa-kontribusyon para iti Smart TV iti Paoay Central Elementary School iti Paoay, Ilocos Norte.
Inlawlawag na a saan a kontribusyon ti napagsasaritaan dagiti nagannak dagiti estudyante no diket agsolicit da tapno adda ti igatang da ti smart TV.
Innayon na a no agkurang ti kuarta a masolicitan da ket pagbibingayanda ti pagkurangan ti maigatang ti nasao a TV.
Innayon na a gapu ta nangina unay ti telebisyon ket napagsasaritaan da ti agsolicit agingga a mabukel ti kasapulan da a kwarta.
Kunana a possible a saan a naawatan dagiti maseknan ti napagsasaritaanda idi naisayangkat ti PTA Meeting iti pagadalan.
Innayon na nga awan kadakuada a mangisursuro iti nasao a pagadalan ti agsolsolicit nu diket mismo a PTA president iti kada classroom.
