LAOAG CITY – Natiliw ti agtawen ti 33 a mangisursuro babaen ti bileg ti warrant of arrest iti siudad ti Batac.
Ti akusado ket maysa a baro ken residente iti Brgy. 35 Bil-loca iti nasao a siudad.
Segun kenni Police Lt. Col. Mar Louise Bundoc, hepe ti PNP Batac, maibilang a Top 2 most wanted person iti siudad ti Batac.
Kuna na a sumangsango ti akusado ti kaso a Reckless Imprudence Resulting ti Homicide.
Inlawlawag ni Bundoc, a nakadungpar ti mangisursuro iti kallabes iti napasamak a desgrasya iti Brgy. Naguirangan iti nasao a siudad.
Saan a naareglo ti insidente rason a nagtultuloy ti pannakaipila ti reklamo kontra iti maseknan.
Nagtalinaed ti akusado iti kustudyar ti PNP Batac para ti pannakaiprosesso iti balur ti pagpiyansa daytoy.
