LAOAG CITY – Pakaidayawan dagiti mangisursuro ti pannakaideklara ti Disyembre 4 kas espesyal nga aldaw para kadakuada iti selebrasyon ti Gabay Guro Teachersfest ditoy probinsya.
Daytoy ti reaksyon ni Mrs. Elizabeth Mabuti, Grade 11 Teacher iti Sta. Rosa National High school iti ili ti Sarrat.
Segun kenni Mabuti, pagyamanan da a mangisursuro ti panangideklara ni Gov. Matthew Marcos Manotoc ti Teachersfest iti nasao a petsa tapno maipaayan da met ti liwliwa.
Inbatad na sangkabassit a programa a maangay para kadakuada a mangisursuro iti intero a probinsya.
Basar iti deklarasyon, daytoy ket pannakaipaay ti pammabigbig iti sakripisyo dagiti amin a mangisursuro tapno maisuro da dagiti estudyante da iti nasayaat a wagas.
