LAOAG CITY – Napalalo ti panagdandanag ti pamilya Ragunjan gapu ta saan da pay a napasangpet kalpasan a napan timmapog iti baybay ni Mr. Lyndon Ragunjan iti Barangay Victoria iti ili ti Currimao.
Naamoan a pimmanaw iti balay da ni Mr. Ragunjan, pasado alas-tres itay parbangon.
Gapu iti daytoy, napan nagreport ti pamilya Ragunjan iti PNP mainaig iti saan pay nga isasangpet ti maseknan.
Iti agdama, agtintinnulong ti Coastguard ken Maritime a mangbirbiruk ken ni Mr. Ragunjan.
Saan pay a masinunuo no adda ti kadwa ni Ragunjan a timmapog iti baybay.
