LAOAG CITY – Maalarman dagiti mangalap iti Brgy. Davila, iti ili ti Pasuquin gapu iti kaada dagiti dadakkel a fishing vessel a maipagarop kukwa dagiti Vietnamese.
Segun kenni Bgy. Kagawad Jesus Agbalog ti nasao a barangay ken maysa kadagiti mangngalap no “low tide” ti baybay ket umadayo dagiti bangka dagiti ganganaet ngem nu “high tide” ket isu iti panagaddada.
Inbatad na pay a dakkel ti epekto na iti innaldaw a makalapan da gaputa maagawanda kadagiti lames a kalapenda.
Innayona pay nga naipakaamon daytoy iti benneg ti Philippine Coast Guard.
Mangnamnama da Agbalog ti tulong ti gobyerno iti daytoy a problema da babaen ti PCG.
