LAOAG CITY – Nangibunong iti lokal a gobierno ditoy siudad ti Laoag kadagiti nagdumaduma nga agricultural ken fishery inputs kadagiti mannalon ken mangalap.
Segun kenni Engr. Sheila Marie Opelac, ti agricultural technologists iti City Agriculturist office, adda ti nabunungan a 50 farming association ken 14 coastal association ditoy siudad.
Kuna na a ti nasao nga aktibidad ket adaan ti walo a milyon a pisos nga pondo ket nausar tapno makagatang iti 300 a sako ti hybrid rice seeds, 35 a bag ti inbred rice seeds, 330 bag ti hybrid yellow cord, 40 bags ti white corn, 3,000 packs assorted vegetable seeds, 1,000 bags uren fertilizer, 144 bags complete fertilizers, 260 packs foliar fertilizers, 690 kls tilapia fingerlings ken 520 bags fish feeds.
Naiyuswat ti nasao nga aktibidad kas tulong iti baet ti panagngato ti presyo dagiti produkto a mausar tapno mapatanor dagiti mula iti taltalon ket mangpaado iti taraken nga ikan.
Indaulwan met ni Mayor Michael Marcos Keon ken Councilor Roger John Farinas ti Committee on Agriculture iti panagibunong kadagiti nasao agricultural ken fishery inputs.
