LAOAG CITY – Kinumpirmaran ni Mr. Ricardo Tolentino “Mango King”, presidente ti Mango Growers Association iti region I a problema iti intero a pagilyan ti kurikong wenno cecid flies a mangap-apektar kadagiti bunga ti mangga.
Inbatad na a bimmaba ti produksyon ti mangga ditoy pagilyan gapu ti kurikong.
Nupay kasta, kuna ni Tolentino a nagasat ditoy probinsya gapu ta bassit pay laeng ti lugar a naapektaran ti kurikong.
Segun ken ni Tolentino, agraira ti cecid flies no nalamiis ti panawen isut gapu na a saan unay a maapektaran ditoy probinsya.
Malaksid ti daytoy, paggugusto pay dagiti cecid flies dagiti naroot ken ditoy ti paglemmengan da ti aldaw ken rumuar da ti rabii.
