BOMBO LAOAG – Nagballaag ni Doctor Evelyn Tanagon iti Bangko Sentral ng Pilipinas (BSP) idiay ciudad ti Batac iti publiko kontra iti saan a napintas a panangiggem kadagiti papel a kwarta.
Inbatad ni Tanagon a dagiti mangsursurat ken mangkulkulkol ti papel a kwarta ket possible a makasoan iti panaglabsing ti Presidential Decree (PD) 247.
Inlawlawag na a mabalin a mamulta ti agsalungasing iti daytoy a paglintegan iti saan a nababbaba ngem 20 ribo a pisos wenno mabalud iti lima a tawen.
Kabayatanna, inbatad ni Tanagon a ti mapaspasamak iti galyeraan a mangkulkol kadagiti pusta a kwarta a papel ken ipurwak da iti nangatiw ket saan a maikanatad.
