LAOAG CITY – Natay ti 17 a tattao iti mass shooting idiay South Africa.
Mannaramaan metten ti manhunt operation dagiti otoridad tapno masarakan dagiti nangaramid iti daytoy.
Segun kadagiti otoridad, dua a homestead iti ili ti Lusikisiki iti Eastern Cape ti napuntaan, 12 a babbai ken maysa a lalaki ti napapatay iti maysa a lokasyon idinto a tallo a babbai ken maysa a lalaki iti maikadua a lokasyon.
Kinuna ti South Africa Police Service, adda pay ti maysa a biktima a kritikal ita ken agdama nga matamtaming iti ospital.
Naammuan a kaadwan kadagiti biktima ket agkakabagian ken agkaka-arrubada iti Nyathi, Ngobozana, Lusikisiki.
Malaksid iti daytoy ket inpakaammu pay dagiti otoridad a kaadwan kadagitoy ket babbai ken ububbing.
Kabayatanna, inbatad ti local mayor ti nasao lugar a ni Nonkosi Pepping ti pannakipagladingitna kadagiti pamilya dagiti biktima.
