LAOAG CITY – Nagtalinaed ti takder ni Manila Archbishop Jose Cardinal Advincula a saan a mangiyendorsar ti siasinno man a kandidato iti 2025 Midterm Elections.
Segun ken ni Advincula, welcome paylaeng dagiti kandidato nga agturong iti Archdiocese of Manila ngem awan pulos ti iyendorsar na kadakuada.
Kuna pay ti arsobispo a silulukat a makipagkita iti siasinno man a kandidato ngem daytoy ket tapno mangipaay laeng ti spiritual guidance.
Innayon na a no maalaan man ti ladawan kadwa na ti maysa a kandidato ket saan a rumbeng nga itrato kas panangiyendorsar ti Romano Katolika.
Mainaig iti daytoy, inbatad ni Advincula a siasinno man a kandidato ket adda ti karbengan na nga agkiddaw ti guidance manipod iti simbaan ken blessing manipod iti sa arsobispo, a sidadaan na nga ipaay kadagitoy.
