Naka-alerto ti Manila International Airport Authority (MIAA) tapnu maliklikan ti panagwaras ti FLiRT COVID variant ditoy pagilian.
Inbilin ni Manila International Airport Authority General Manager Eric Jose Ines kadagiti housekeeping service providers iti amin a Ninoy Aquino International Airport terminals nga aramidenda ti regular a disinfection kadagiti check-in counter, Immigration counter tops ken dagiti plastic trays a mausar iti final screening dagiti bagahe ti pasahero.
Innayonna nga ibilin ti nadakamat nga ahensia kadagiti amin a food concessionaires a kanayon a disinfect dagiti lamisaanda.
Kabayatanna, mangisayangkat met ti Bureau of Quarantine iti nainget nga screening kadagiti sumangpet a pasahero iti terminal ti Ninoy Aquino International Airport.
