LAOAG CITY – Maluksaw ni Mr. Benie Menor iti Barangay 37, Calayab ditoy ciudad ti Laoag gapu iti maipagarop a saan a patas a pannakaipaay kadakuada a mannalon iti ayuda ken pannakausar dagiti farm machineries iti barangay da.
Inpetteng na a saanna pay a nasubsublat dagiti farm machineries iti barangay da ken saan da pay a naikkan iti purok 4 ti bin-i manipod iti Department of Agriculture (DA).
Inpalgak na a dagiti saan a kadwa dagiti opisyal ti asosasyon da ket mailanglangi ken mapaidaman da ti tulong.
Kabayatanna, ginandat ti Bombo Radyo Laoag nga alaen ti kabibiangan ti Presidente ti Farmers Association iti nadakamat a barangay a ni Mr. Eric Menor dela Cruz ngem nagkedked daytoy nga agsarita.
Nupay kasta, inadmitir na a dagiti makinarya a pagtalon ket naibunong na kadagiti pada na met laeng nga opisyal isut gapuna a maproblemaan na no kasanu na nga ipasubli dagitoy.
