LAOAG CITY – Nagballigi dagiti otoridad a nangtiliw iti maysa a mannalon iti naiyuswat nga buy-bust operation iti Barangay Root iti ili ti Dingras.
Nabigbig ti subject ti operasyon a ni Mr. Elpidio “Jeff” delos Reyes, addaan iti umno a tawen, mannalon ken residente iti nasao a barangay.
Inpetteng ni delos Reyes a saan na pulos nga admitiren ti maipabpabasol kenkuana gapu ta sipud simmuko idi 2016 ken saan nan a sinublianan ti madi nga aramid na.
Inbaga na a napan nagtugtugaw iti igid ti kalsada tapno agpaangin ngem iti panagsubli na koman iti balay da ket adda dagiti nagdamag kenkuana no sam-ammo na ti agnagan ti “Jeff”.
Iti panangibaga na nga isuna ti Jeff ket gammatan da koman daytoy ngem nagtaray ngem nakamatan da no sadinno nga arigna kasla baboy a rinimpong da ken pinagpakleb da daytoy isut gapuna a nagsagaba ti dunor iti rupa ken tumeng na.
Maikontra daytoy iti immunan a naibaga a limmaban kadagiti otoridad.
Rumrumuar a naglako ni delos Reyes ti maysa a cal. 38 revolver iti pulis a nagpammarang a gumatang iti balor a 3 ribo a pisos ngem naiget a naglikudan daytoy ti suspek.
Malaksid iti paltog, iti pannakatiliw ti subject ti operasyon ket maipagarop nga adda ti uppat a sachet a naglaon ti maipagarop a shabu a naikabil iti supot a naipurwak iti saan pay a masinunuo no kasanu ti kaadayo na manipod iti suspek.
Kabayatanna, inbaga ni Barangay Chairman Sadiri Gallegos iti Barangay Root iti nasao nga ili nga awan ti madi a rekord ni delos Reyes iti barangay da.
